Un ôtè de doqhumentèzon en Haott-Bertègn
UN PROJIET POUR DEQHUTË LA LANGG E LA QHULTURR GALEZZ.
Dépé pus de 30 anée, La Bouèze raqheut le memoèrr dou Pèiz Galo : ol a déja marilhé dez mil d’èrr de muziq, de chançon, de contt, d’istoèrr, ol a gardé etou dez centènn de fotos. Le memoèrr-la servit hardi ez menbr de la consorterie den animë le pèiz. La Bouèze ét mézeu un pol consorté o Dastum. Ol a etou unn mediatèq o tout pllin de livr e de son bani pour étudië lez tradicion oral a son amen.
Lez menbr ou ben le mondd peurchen de Bertègn Galèzz sont a sèrë e étudië le galo e l'identité galèzz dépé 1976. Ao long dez anée la consorterie a don amoucelé den sa livrerie e den sez archiv unn berouée de doqhument râl en Bertègn.
Lez douz consorterie souèten astourr-ci, asourfin de concreyë un ôtè de doqhumentèzon sur le galo e la qhulturr galèzz e de permètr ao mondd de terouë tout lez doqhument q’on raport o la Haott Bertègn, sur la teil e den l’endreit eyou qe Bertègn Galèzz e La Bouèze demouren.
D’o nôtr ôtè de doqhumentèzon j’avon dessin de gardë e de terpassë unn eirie langaijierr e qhultural. De nouvè doqhument, privé ou ben isseü de consorterie, pouven y-étr aporté.
Cerchéz dez doqhument sur la bazz de donée de l’Ôtè.
Si vouz vouléz aboutë çéz nouz.
